Mitsubishi на Саемот на автомобили во Женева ќе го претстави мистериозниот SUV концепт што е фокусиран на технологијата на новата генерација.
Се работи за концептот Engelberg Tourer на чиј тизер може да се види темната силуета на возилото во облик на SUV, со развиена Dynamic Shield предна маска и тенки сини LED светла, а може да се види дека има и светла на кровот.
Покрај тоа што ќе ја покаже новата технологија, концептот на Mitsubishi ќе овозможи увид во развојот на дизајнот и практичноста на SUV возилата.
Engelberg Tourer го доби името по швајцарското скијачко одморалиште, а тоа укажува дека ќе биде форсиран како теренско возило.
Концептот ќе има подобрени електрични перформанси, велат од компанијата, но уште не се знае дали ќе биде хибрид или целосно електрично возило.
Mitsubishi ја фокусираше својата технологија на електрификација на хибриди, вклучувајќи го успешниот Outlander PHEV, но секако посветува внимание и на целосно електричните возила.
Во 2016 година Mitsubishi го претстави концептот eX, мал електричен SUV што би можело наскоро да влезе во производство.