Младинскиот културен центар во Скопје на новогодишната ноќ ќе им понуди на љубителите на музиката одлична програма со многу изведувачи, а сето тоа ќе оди онлајн.
Поради превентивните мерки за заштита од ширењето на коронавирусот, како што е веќе познато, на новогодишната ноќ нема да работат угостителските објекти. Дочек на Новата година секој по дома. Затоа нѐ очекува богата онлајн програма.
Збогум со 2020 година преку YouTube каналот на МКЦ со своја изведба ќе направат Влад Илич, Дина Јашари, Суперхикс, Funk Shui, Културен центар 750, Fat Kitchen, Допе Куќата, Марко Дејановиќ, Rush To Relax, Atheist Rap, DJ FITZ, Shock Troopers, Александар Велики, Стојче, Zulu 3.4 и Васко Атанасоски во програма наречена едноставно „Чао 2020“.
Програмата ќе почне во 20:00 часот во четвток, а линк дополнително ќе биде објавен на Facebook профилот на МКЦ. Воедно, директен пренос ќе оди и на локалната ТВ Едо. Точниот распоред на настапи ќе биде дополнително објавен.
