Селекторот за македонската фудбалска репрезентација до 21 година, Благоја Милевски, го објави списокот на повикани играчи за трите претстојни пријателски натпревари.
Младата репрезентација од 21 до 30 март ќе биде во Анталија, Турција, каде ќе одигра три контролни натпревари. По тој повод селекторот денеска објави список со 26 фудбалери кои ќе бидат дел од репрезентацијата на овие натпревари.
„Овие натпревари се последен филтер за тоа како ќе изгледа тимот во квалификациите за Европското првенство. Сите повикани фудбалери ќе добијат подеднаква минутажа на трите натпревара. Нашата цел е да добиеме точна претстава за квалитетот на секој фудбалер, а на нив останува дали ќе заслужат место во тимот на квалификациите. Она што е битно за мене е играчите да имаат минутажа во своите клубови и тоа ќе биде пресудно за формирањето на составот на квалификациските натпревари за ЕУРО. На оние позиции каде што имаме избор, предност секогаш ќе добиваат фудбалерите кои се стандардни во своите клубови“, вели Милевски во изјава за ФФМ.
Тој ја коментираше и одлуката на офанзивецот Владан-Влада Новевски за кого синоќа Фудаблскиот сојуз на Србија се пофали дека во иднина ќе настапува за Србија.
„Во однос на Влада Новески, наше е да кажеме дека фудбалерот на Војводина уредно беше поканет за нашите натпревари во Анталија, но неговиот родител нѐ извести дека желба на неговиот син е да игра за Србија“, рече македонскиот селектор.
Голмани:
Давид Денковски - Брегалница
Дамјан Серафимов - Македонија ЃП
Стефан Јакимовски - Кадино
Одбрана:
Александар Ѓурковски - Вардар
Марио Младеновски - Ботев (Бугарија)
Виктор Крстевски - Вардар
Блертон Шеји - Струга
Филип Алексовски - Македонија ЃП
Филип Антовски - Славија (Бугарија)
Мартин Радуловиќ-Величковиќ - Вардар
Бесник Ферати - Академија Пандев
Средина:
Енис Фазлагиќ - Жилина (Словачка)
Арби Воша - Македонија ЃП
Давид Калпачки - Беласица
Флорент Рамадани - Шкендија
Томче Гроздановски - Злите Моравце (Словачка)
Бојан Димоски - Академија Пандев
Агон Елези - Вараждин (Хрватска)
Лука Станковски - Работнички
Димитар Тодоровски - Работнички
Напад:
Марко Ѓорѓиевски - Раднички Пирот (Србија)
Дарко Чурлинов - Штутгарт (Германија)
Јакуп Бериша - Шкупи
Марио Илиевски - Септември (Бугарија)
Методи Максимов - Работнички
Берат Калкан - Караџабej (Турција)
Распоред на натпревари:
Македонија - Казахстан (24 март)
Македонија - Словачка (27 март)
Македонија - Бугарија (29 март)