Метју Лепре e 26-годишен милионер кој пред неполн месец објави јавен оглас за личен асистент на кој ќе му плаќа околу 52.000 долари за да патува со него низ светот и да престојува во најскапите хотели во светските метрополи.
Метју живее во Сиднеј, но со неговиот асистент би патувал во Јапонија, Дубаи и низ САД каде ќе одржува предавања во разни компании.
Освен што ќе треба да го придружува на патувањата, асистентот ќе треба и да работи на промоција на неговиот бизнис и неговиот имиџ, но и да ги води неговите профили на социјалните мрежи, како Instagram.
Автралиецот добил 40.000 пријави за оваа „работа од соништата“, а не изостанаа и романтичните понуди за врска, па дури и брак.
„Добив повеќе од 40.000 пријави од сите страни на светот, а од кандидатите дури 75% се жени, а само една четвртина мажи. Некои ми понудија и брак“, изјави Метју.
Тој додаде дека повеќето заинтересирани се од генерацијата милениумци кои во оваа работа гледаат можност да побегнат од секојдневната рутина.
Овој успешен бизнисмен месечно заработува 120.000 долари, а на асистентот почетна плата ќе му биде 52.000 долари, со платени трошоци за сместување и патување.
„Платата секако ќе зависи од претходното искуство и вештините на кандидатот. Здравственото осигурување исто така е платено. Често патувам поради мојата работа и уживам во ваквиот начин на живот, па би сакал на некого да му ја пружам приликата да ужива во сето ова со мене“, гласеше огласот на Метју.
Од кандидатите се бара, меѓу другото, релевантно работно искуство, валиден пасош, солидно познавање на работа со социјални мрежи, одлични организациски способности и способност за мултитаскинг.
Метју се откажал од факултетот кога имал 23 години и сам го почнал својот бизнис за е-трговија што му донесе милиони.