ММА мечот меѓу Том Аспинал и Куртис Блејдс требаше да биде централен настан во светот на боречките спортови минатата вечер, но тоа не се случи. Барем не на начинот на кој тоа го посакуваа љубителите на овој спорт.
Наместо спектакуларна борба видовме само акција која траеше 16 секунди во октагонот и тешка повреда на Аспинал, кој мораше да го предаде мечот.
Откако на противникот му зададе удар со ногата, Том поради силните болки во коленото падна и веднаш беше јасно дека нема да може да продолжи. Судијата го прекина мечот, Аспинал го напушти октагонот во количка, а подоцна заврши во болница на дополнителни снимања.
Токму во болница е снимен моментот кој стана актуелен на интернет.
„Со пиво секој ќе се расположи, големиот Куртис и неговиот тим ме посетија во болница за да се поздрават. Вакви страшни повреди за жал се случуваат, едноставно оваа ноќ немав среќа“, напиша Том на Instagram со фотографија на кој тој и противниот заедно пијат пиво.