НУ Македонски народен театар излезе со соопштение до публиката во врска со неискористените билети за претставите откажани поради пандемијата со COVID-19.
„Ве информираме дека средствата за билетите што ги имате купено за претставите кои беа на репертоарот во Македонски народен театар во месец март 2020 година, а беа откажани поради ситуацијата со пандемијата, можете да ги подигнете на билетарницата на МНТ од 28 септември до 2 октомври и од 5 октомври до 9 октомври 2020 година“, информираат од МНТ.
Работното време на билетарницата е од 12:00 до 18:00 часот, а рефундирањето на средствата за купените билети ќе се врши исклучиво со вратен билет.