Moderna во понеделник објави дека нејзината вакцина против COVID-19 предизвикува силен имунолошки одговор и дека децата на возраст од 6 до 11 години ја поднесуваат добро.
Moderna објави дека нејзината вакцина создава антитела кои го неутрализираат вирусот кај децата, а ги споредувале податоците со претходните клинички истражувања кај тинејџерите и возрасните.
Вакцината на Moderna е одобрена за возрасни над 18 години, а неодамна добија и одобрување и за трета доза. Меѓутоа, ФДА уште не ја одобри вакцината за употреба кај тинејџери на возраст од 12 до 17 години. Шведска ја прекина употребата на Moderna по појавата на воспаление на срцевиот мускул кај млади лица.
Од Moderna наведуваат дека повеќе нуспојави се испитуваат, а најчестите се умор, главоболка, температура и болка во раката.
Од друга страна, ФДА во вторник ќе гласа за одобрување на вакцината на Pfizer/BioNTech за употреба кај деца на возраст од 5 до 11 години.