Новите податоци од истражувањето на компанијата Moderna покажуваат дека заштитата од COVID-19 опаѓа со текот на времето, па тврдат дека затоа е потребна т.н. бустер доза.
„Ова е само една проценка, но сметаме дека со пристигнување на есента и зимата ќе се намали имунитетот и ќе има 600.000 нови случаи на COVID-19“, рече директорот на Moderna Стивен Хог.
Хог рече дека исто така ќе се зголеми и бројот на хоспитализирани.
Податоците се целосно различни од неколку претходни студии кои покажуваат дека заштитата од вакцината на Moderna трае повеќе од заштитата од вакцината на Pfizer.
Новата анализа покажува дека има поголем процент на заразени кај лица вакцинирани пред 13 месеци, отколку кај лица вакцинирани пред 8 месеци.
Студијата е спроведена во јули и август кога делта стана доминантен сој.
Moderna на 1 септември поднесе барање до ФДА за одобрување на т.н. бустер доза. Хог изјави дека податоците од студијата за трета доза покажуваат дека антителата се зголемуваат по примање на втората доза.
„Верувам дека тоа ќе го намали бројот на случаи со COVID-19“, вели тој.