Споредбите меѓу покојната принцеза Дијана, мајката на принцот Чарлс, и Кејт Мидлтон, војвотката од Кембриџ, почнаа да се прават уште од првата заедничка фотосесија на двојката во ноември, 2010 година по повод нивната свршувачка.
Кејт го доби свршеничкиот прстен на Дијана, а со него се чини и беспрекорниот моден вкус на Принцезата на народот.
Дијана имаше само 19 години кога се сврши со престолонаследникот на Британија, принцот Чарлс, во 1981 година и многумина тогаш сметаа дека е малку старомодна.
Меѓутоа, откако стана дел од кралското семејство, Дијана го најде својот стил и денес се смета за една од највпечатливите модни икони.
Мидлтон е повеќе склона кон независни модни избори и повеќе сака удобност наспроти модерно, но секогаш изгледа беспрекорно и одушевува со модниот избор за посебни прилики, особено кога нема да избере познат дизајнер.
Модните експерти сепак забележаа дека иако навидум немаат сличен стил, Дијана и Кејт имаат моменти на „модни близначки“. Намерно или не, Кејт на некој начин ѝ оддава почит на принцезата, преку суптилен избор на гардероба и додатоци, како што може да се види во оваа епизода на Royal Watch на „Harper’s Bazaar“.