Изминатата година имаше многу трендови што лудо се следеа ширум светот и повеќето од нив беа поврзани со удобност и практичност. Стилот е индивидуален за секоја жена и ако одредени парчиња и кроеви ви одговараат и отсекогаш биле дел од вашата гардероба, држете се до нив и носете ги гордо.
Но, ако некое од овие парчиња сте ги купиле само поради тоа што биле тренди, заборавете ги во 2018.
Голи рамена
Блузите и кошулите со голи рамена беа голем хит во 2017 и се чини дека го преплавија Instagram. Иако овој модел им прилега на повеќето жени, модните експерти велат „Што е многу-многу е!“ Зимски тренд за 2018 се плетените џемпери со суптилни отвори на рамената или едно разголено рамо.
Мини ранци
Изгледаат симпатично, но се страшно непрактични. За среќа, овој тренд почна да згаснува уште пред да помине 2017, а за новата година се препорачуваат големи ранци во интересни форми и дезени за оние кои сакаат да носат сѐ со себе.
Бомбер јакни
Да бидеме искрени, не им прилегаа на сите. Се носеа во сите големини, од кратки и припиени до сериозно oversized и спуштени на една страна, но се враќа ерата на поструктурирани горни парчиња со женствена силуета, како сакоа и мантили.
Изресени фармерки
Стилот на 90-тите беше силно присутен во 2017 и искинатите фармерки имаа голем камбек. Сепак, предвидувањата за 2018 велат дека полека повторно се враќаме на „чисти“ линии и текстури, па сѐ што треба е да го најдете кројот што ви одговара. Добрата вест е дека високиот струк нема да помине како тренд.
