Брижит Троње е под лупа на јавноста уште пред да стане прва дама на Франција. Нејзиниот стил на облекување го привлече вниманието на јавноста, особено заради нејзините години, бидејќи е 24 години постара од сопругот, претседателот на Франција Емануел Макрон.
Додека некои модни критичари не се согласуваат со нејзиниот избор на облека, како кратки здолништа, џинс и тесни панталони, други го поздравуваат ова кршење на табуата и велат дека токму изборот на ваква гардероба ја прави да изгледа помладо на вкусен начин.
Троње (64) редовно се појавува на настани со сопругот и секогаш нејзиниот моден избор е вистински погодок. Кога американскиот претедател Донал Трамп беше во посета на Франција, Троње ја засени дури и поранешната моделка, првата дама на САД Меланија Трамп.
Нејзините модни комбинации варираат од смирени монохроматски, до смели принтови и кроеви, но едно е сигурно: нејзината одлука да носи парчиња надвор од „старосната група за која се резервирани“ е она што го прави нејзиниот стил беспрекорен.
Како вистинска Французинка, Троње се спротивставува на нормите, додека истовремено останува верна на класиците.
Тајната на нејзиниот изглед е токму во таа комбинација на модерното и класичното.
Кога носи кратки фустани и здолништа избира монохроматски комбинации и смирени тонови, покажувајќи го добро одржаното тело во класични кроеви. Точно знае кои тонови ѝ прилегаат и во тој поглед не експериментира.
Кога избира помодерни дезени, џинс или припиени панталони, ги комбинира со класични и секогаш добро скроени парчиња што ѝ даваат доза елеганција на комбинацијата.
„Да се облекува како повеќето жени на нејзина возраст, Брижит би изгледала постаро. Наместо тоа, таа изгледа здраво, модерно, елегантно и секси“, ја пофали неодамна Кели Хаш, уредничка на австралискиот „Harpers's Bazaar“.