Хрватот смета дека играњето во франциската лига не му дозволува на талентираниот Мбапе да го покаже својот потенцијал во целост, а кој може да стане најдобар на светот.
Килјан Мбапе поседува таков квалитет за комотно да може да доминира во светот на фудбалот во наредниот период. Така вели Лука Модриќ. Но, за да го оствари тоа мора обавезно да го напушти Пари Сен Жермен.
„Мбапе поседува сѐ што е потребно за да доминира на меѓународната сцена. Но, сметам дека за да го направи потребниот скок како би можел до израз да дојде целосниот квалитет кој го поседува, треба да се пресели во лига каде неговиот тим нема така лесно да победува“, вели Модриќ во интервју за La Gazzetta dello Sport.
Нормално, од ПСЖ не сакаат ни да чујат за разделба со 21-годишниот бисер. „Светците“ лесно доминираат во Лиг 1 каде во последните 8 сезони само еднаш не беа први, во 2016/17 кога Монако токму со Мбапе успеа да им ја украде титулата.
Родум од Париз, Мбапе кариерата ја почна во локалниот Бонди, а на 15 години се пресели во Монако од каде летото 2017 замина во ПСЖ.
