Модриќ на 39 години руши рекорди

Лука Модриќ на почетокот на овој месец наполни 39 години, а на теренот во дресот на Реал игра како да е двојно помлад.

На синоќешното дерби против Атлетико (1:1) доби шанса да игра од првата минута, а потценување е да се каже дека ја искористи на вистински начин.

За 85 минути игра имаше 72 контакти со топката, а сите 58 додавања во играта беа прецизни, што е рекорд кога е во прашање оваа сезона.

Така Модриќ стана единствениот играч во петте најјаки лиги оваа сезона кој имал стопроцентен учинок во додавање, а кој се обидел да ја додаде топката повеќе од 40 пати.

Но, тоа не е сè. Со 58 успешни додавања од исто толку обиди, Модриќ постави и личен и клупски рекорд.

Имено, Модриќ никогаш немал 58 успешни додавања од исто толку обиди на 367 одиграни натпревари во Ла Лига, а постави и рекорд за играч на Реал во дерби натпреварите против Атлетико.

Иако е претежно банална фраза, изреката „годините се само бројка“ навистина важи за Модриќ.