Во пресрет на големото дерби меѓу Барселона и Реал Мадрид кое се игра утре на Камп Ноу, искусниот хрватски играч за врска Лука Модриќ откри какви ритуали користи пред секој натпревар.
Реал на социјалните мрежи објави видео во кое го претстави Модриќ од поинаква перспектива, а Модриќ призна дека има неколку посебни ритуали.
„Кога излегуваме да се загрееме, секогаш прво стапнувам на тревникот со левата нога. Пред загревање секогаш ги вадам прстенот и ланчето, а пред да ги облечам штитниците секогаш ги бакнувам бидејќи има фотографии од моето семејство на нив“, рече Модриќ.
Поранешниот освојувач на Златната топка кога патува сака да гледа серии или да слуша музика, а на прашањето што слуша, имаше шеговит одговор.
„Кога одиме на гостувања, сакам да го носам мојот iPad, да гледам серии и да слушам музика на телефон. Каква? Подобро да не знаете“, заврши Модриќ со смеа.