„Мојот маж“ на сцена во Словенија: Жените не мора да се суперхерои за да бидат еднакви

Во Словенечкиот народен театар – Драма Љубљана беше поставена претставата „Мојот маж“ според расказите на Румена Бужаровска. Во согласност со здравствените протоколи, минатата недела се одржаа три претпремиери и три премиери (на 8, 9 и 10 октомври) пред публика од по 80 гледачи по претстава.

Фото: Петер Ухан, СНГ Драма, Љубљана

Според критиката, претставата моќно ја доловува положбата на жените соочени со специфичниот патријархат на Балканот.

Ника Корењак ја споредува македонската писателка со Симон де Бовоар, велејќи дека тоа што Бовоар го сторила за жените во светски рамки, Бужаровска го прави на Балканот.

Режијата на претставата е на словенечката режисерка и писателка Ивана Ѓилас, која заедно со преведувачката и драматуршка Ана Душа ги адаптира расказите на Бужаровска за театарската сцена.

Фото: Петер Ухан, СНГ Драма, Љубљана

Како коментар на реалистичните ликови во балканската средина, Ѓилас вели дека „ќе постигнеме родова еднаквост кога ќе дозволиме подеднаков број глупави жени да бидат на раководните функции што сега им се дозволени на мажите.“

– Ова ќе се случи ако престанеме да бараме од жените да бидат суперхерои. А расказите во „Мојот маж“ се токму такви, вели режисерката.

Актерската екипа ја сочинуваат: Ива Бабич, Силва Чушин, Маша Дерганц, Петра Говц, Сабина Коговшек, Маша Кагао Кнез, Саша Михелчич, Маруша Мајер, Саша Павчек и Барбара Жефран.

„Мојот маж“ останува на репертоарот на СНТ – Драма Љубљана во текот на октомври и целата наредна сезона.

Фото: Петер Ухан, СНГ Драма, Љубљана

Во февруари годинава, Драмскиот театар во Скопје постави продукција на „Мојот маж“ на македонски во режија на Нела Витошевиќ.

Румена Бужаровска (р. 1981, Скопје) е една од најчитаните автори во регионот. Нејзината книга „Мојот маж“ има продадено тираж од 10,000 примероци само во Србија. На македонски јазик, „Мојот маж“ досега имаше шест изданија.

реклама

Култура

Драмскиот театар Скопје гостува на фестивалот РУТА во Сараево

Read more

Биљана Стојановска ќе ја промовира третата книга поезија „Додека спиеш“

Read more

На сцената на Националната опера и Балет ќе гостува Словенечкиот камерен музички театар од Љубљана

Read more

Фрагментирана интроспекција – изложба на скулптури на Слободан Милошевски во Неготино

Read more
 

Вести

Продолжениот викенд ги наполни граничните премини

Читај повеќе

Reuters: Путин е подготвен да ја запре војната во Украина

Читај повеќе

Мапа го покажува неуспехот на Србија во лобирањето против Резолуцијата за Сребреница

Читај повеќе

Силјановска Давкова упати честитка по повод Денот на сесловенските просветители светите браќа Кирил и Методиј

Читај повеќе

Кучиња скитници искасаа три лица во Скопје

Читај повеќе

24 мај, Ден на сесловенските просветители Св. Кирил и Методиј

Читај повеќе

Орбан тврди дека Европа се подготвува за пресметка со Русија

Читај повеќе

Земјотрес рано утринава ја погоди Грција

Читај повеќе

Како Косово ќе го реши проблемот на Данска со преполните затвори?

Читај повеќе