Натпреварот Борусија Дортминд-Монако можно е да не одигра ни денес, ако УЕФА одговори позитивно на барањето на гостите.
По вчерашниот бомбашки напад на автобусот на играчите на Дортмунд, УЕФА ја одложи средбата за денес во 16 часот и 45 минути, но раководството на Монако смета дека натпреварот не треба да се одигра ни денес.
Директорот за комуникации на Монако Бруно Скропета побара од УЕФА да се одложи средбата за во сабота, од безбедносни причини, објави францускиот весник „L'Equip“.
„Извршниот директор на Дортмунд Вацке изјави дека играчите на Борусија се во шок и затоа бараме ново одложување на мечот“, рече Скропета.
Принцот Алберт од Монако исто така побара ново одложување на натпреварот.
„Можеби не е најдобро репение да се одигра натпреварот веднаш следниот ден после ваков инцидент. Најдоро би било да се одложи средбата“, рече принцот Алберт за телевизија RTL.