Во долината Јордан е пронајдена ретка колекција на монети кои датираат од пред повеќе од 2.000 години, а истражувачите го нарекоа откритието „археолошко чудо на Ханука“.
Монетите се стари повеќе од 2.000 години и се верува дека му припаѓале на кралот Александар Јанеус, вториот владетел од династијата Хасмонеа, кој владеел со Јудеја.
Археолозите пронајдоа околу 160 монети за време на ископувањата во долината Јордан, која се протега помеѓу Западниот Брег во Израел и источната граница на Јордан. Проектот го водат истражувачи од Универзитетот во Хаифа и археолошкиот институт „Зинман“.
Монетите се пронајдени неодамна, на третиот ден на Ханука. Александар Јанеј потекнува од водачите на бунтот од 167 п.н.е., што, според Талмудот, довело до обнова на храмот во Ерусалим и првата прослава на Ханука.
Секоја монета содржи натписи кои вклучуваат осумкрака ѕвезда и зборовите „Крал Александар 25“ напишани на арамејски, еден од најстарите јазици во светот кој потекнува од регионот на денешна Сирија и е тесно поврзан со арапскиот и хебрејскиот. Овие типови на монети датираат од околу 80 година пред новата ера. Локацијата каде што биле откриени веројатно била попатна станица која содржела и „прочистувачка бања“ за верски ритуал. Исто така, порано имало простор за складирање на вода, како и други објекти. Се наоѓа покрај главниот пат што води до тврдината Александрион, која ја изградил Александар Јанеј на врвот на планината во долината Јордан.
Во ископувањето учествувале студенти и волонтери.
