Кошаркарите на Далас Маверикс победија на гости кај Лос Анџелес Клиперс со 105:100 и поведоа со 3-2 во четвртфиналната серија од Западната конференција, а брилијантна партија пружи словенечкиот играч Лука Дончиќ.
Дончиќ постигна дури 42 поена, збогатени со 14 асистенции и 8 скокови, и со ваков биланс го донесе својот тим на чекор до пласман во наредната фаза од плеј-офот.
Чудесниот Словенец стана само втор НБА играч кој на еден натпревар уфрлил над 40 поени во комбинација со 14 асистенции.
Донекаде го пратеше единствено Тим Хардавеј со 20 поени, додека останатите играчи на Далас постигнаа едноцифрен број на поени, што доволно зборува како натпревар одигра Дончиќ.
Во редовите на Клиперс најефикасен беше Пол Џорџ со 23 поени, додека Реџи Џексон и Каваи Ленард постигнаа по 20.
Во останатите три натпревара кои се играа ноќеска, Филаделфија го надигра Вашингтон за 4-1 во партии и се пласираше понатаму, исто како и Јута која четврти пат по ред го победи Мемфис. Мина и Атланта откако победи во Њујорк кај Никс.
Резултати:
Филаделфија 76ерс - Вашингтон Визардс 129:112 (4-1)
Њујорк Никс - Атланта Хокс 89:103 (1-4)
Јута Џез - Мемфис Гризлис 126:110 (4-1)
Лос Анџелес Клиперс - Далас Маверикс 100:105 (2-3)