Со високи 5:2 Канејдиенс ги декласираа Канакс на гостински терен по вторпат одмаздувајќи им се за поразот на пенали пред два натпревара.
Ноќеска вниманието во најквалитетната хокеарска лига на светот го привлече канадското дерби помеѓу тимовите од двата краја на земјата, Ванкувер Канакс од западниот брег и Монтреал Канејдиенс од Квебек на истокот.
Првата третина ја добија гостите од Квебек благодарение на голот на Ник Сузуки во 11. минута. И втората беше речиси идентична со тоа што погодокот на Кори Пери во 12. минута значеше водство од 0:2 за гостите.
Домашните конечно го најдоа патот до гостинскиот гол во последната третина кога Швеѓаните Елиас Петерсон и Нилс Хојландер погодија во 4-тата и 6. минута за израмнување на 2:2.
Сепак, Кенејдиенс во преостанатото време уште трипати погодуваа и тоа преку Брендан Галагер во 10-тата, Џонатан Друин во 13-тата и Џоел Едмундсон во 18. минута за конечни 2:5.
Ова е четврта победа за Монтреал сезонава со што е лидер во Северната дивизија, или таканаречена Канадска дивизија бидејќи сезонава ја сочинуваат исклучиво тимови од Канада. Пред три дека токму Ванкувер му го нанесе вториот пораз на Монтреал кога по 5:5 во регуларното време на пенали успеа да победи. Во натпреварот измешу овие два Монтреал забележа уште една убедлива победа над истиот противник, тогаш од 7:3.
Резултати:
Бостон Бруинс - Филаделфија Флаерс 6:1
Ванкувер Канакс - Монтреал Канејдиенс 2:5
Сент Луис Блуз - Лос Анџелес Кингс 4:2
Винипег Џетс - Отава Сенаторс 6:3
