Алваро Мората го прекина медениот месец на Ибица за да се осигура дека ќе го добие договорот за трансфер во Манчестер Јунајтед, објави шпанскиот весник AS.
Напаѓачот на Реал Мадрид долета од Ибица во Мадрид додека продолжуваат преговорите за трансфер меѓу двата тима.
Мората неколку пати телефонски разговарал со шефот на Јунајтед Жозе Мурињо и наводно одвај чека да премине во Премиер лигата.
„Црвените ѓаволи“ дадоа понуда за Мората минатиот месец, но Мадрид бара 70 милиони фунти за Шпанецот.
За Мурињо приоритет сега е да потпише нов напаѓач во Јунајтед бидејќи Златан Ибрахимовиќ заминува на рехабилитација по операцијата.
Мората одвај успеваше да настапува со првиот тим на Мадрид минатата сезона, но сепак успеа да постигне 15 гола во само 14 настапи во Ла лига.
Напаѓачот беше на меден месец на Ибица со сопругата Алис Кампело која наводно останала на островот додека тој да го среди договорот.
Двојката се венча на раскошна свеченост во Венеција на почетокот на месецот, а првиот дел од медениот месец го поминаа на романтичен одмор на Сејшелите.
