Мората непрепознатлив се појави на Сан Сиро

Познатиот шпански фудбалер Алваро Мората ги изненади сите кога се појави на синоќешниот натпревар на неговиот Милан кој на Сан Сиро го пречека Лече во 6. коло од Серија А.

Мората на „Сан Сиро“ пристигна со целосно непрепознатлив имиџ бидејќи ја скрати косата на „кец“ и ја смени фризурата со која сме навикнати да го гледаме.

Мората кога пристигна на стадионот носеше диоптриски очила, а навивачите беа изненадени од драстичната промена што ја направил Шпанецот.

Инаку, Милан синоќа лесно го победи Лече со 3:0, а до победата ги предводеше Росонерите Мората, кој го постигна првиот гол на натпреварот во 38. минута.

До крајот на полувремето мрежата на Лече ја затресоа Тео Ернандес и Кристијан Пулишиќ, кои му обезбедија на Милан мирно продолжение на натпреварот, а се покажа дека и тие го поставија конечниот резултат од 3:0.

Тоа беше втор гол за Мората во четири меча во Серија А оваа сезона, а летово пристигна во Милано од Атлетико Мадрид, откако со Шпанија стана шампион на Стариот континент на Европското првенство во Германија.

Потсетуваме, Мората по еврото се разведе од сопругата Алис Кампело, инфлуенсерка од Шпанија, со која има четири деца.