На Црвениот плоштад во Москва традиционална се одржа воена парада по повод Денот на победата.
Путин во обраќање го честиташе Денот на победата, денот на гордоста и тагата.
„Тоа е ден на нашата безгранична благодарност на чуварите на нашата татковина, кои го победија нацизмот. Тие војуваа, се трудеа, минаа натчовечки искушенија, дадоа сè што можеа и ја освоија победата“, истакна Путин.
Годинава ниту еден странски политичар не присуствуваше на Парадата. Минатата година на воената парада присуствуваа израелскиот премиер Бенјамин Нетанјаху и српскиот претседател Александар Вучиќ.
Рускиот претседател упати повик за соработка со другите земји, особено кога станува збор за тероризмот. Парадата започна со дефиле на воените единци, а потоа следеше парада на единици на механизирана колона. Прв помина симболот на победата, тенкот Т-34. На чело на колоната од современа техника на Оружените сили на Русија се наоѓаше повеќенаменското оклопно возило „Тајфун 4h4“ и „Тигар – М“.
Во составот на нова генерација тешки борбени возила се најде и модернизираниот транспортер BTR-82A. Низ Плоштадот поминаа и тенковите Т-14 Armata, главниот борбен тенк T-72V3 и „Терминатор“, возило за логистика.
Тука беа и ракетните системи S-400 Триумф.