Тиаго Мота ќе добие отказ од Јувентус, а неговото место, барем до крајот на сезоната, ќе го заземе Роберто Манчини.
La Gazzetta dello Sport денеска открива дека натпреварот против Џеноа наредниот викенд најверојатно ќе биде последен за Мота на клупата на Јувентус. Очигледно тешките порази од Аталанта и Фиорентина беа доволни клупските челници да го сменат Мота. Во исто време CalcioMercato, повикувајќи се на свои извори, пишува дека на играчите не им е јасно како Мота сè уште е во клубот, по поразите од Аталанта и Фиорентина.
Роберто Манчини е избор на челниците на „Старата дама“, тренер кој најголемите успеси ги постигна на клупата на најголемиот ривал Интер. Манчини го водеше Интер во два наврата, од 2004 до 2008 година, кога беше далеку поуспешен, освојувајќи 3 скудета, додека во периодот од 2014 до 2016 година не освои ниту еден трофеј.
Тој во 2012 година ја освои и титулата во Премиер лигата со Манчестер Сити, пет години беше селектор на Италија, а и на Саудиска Арабија, но таа функција ја напушти есента, по година и половина.
Италијанските медиуми откриваат и дека Манчини се согласил во договорот да има клаузула, дека ќе го продолжи договорот доколку Јувентус заврши во топ 4, односно избори пласман во Лигата на шампионите.
Јувентус моментално е петти на табелата со 52 бода, пред него е Болоња со 53.
