Одложете го купувањето на држачот за iPhone.
Во новата објава за поддршка на Apple, технолошкиот гигант предупреди дека вибрациите со висока амплитуда, „особено оние генерирани од мотори со голема моќност“ пренесени преку управувачот, може да ги оштетат камерите на iPhone уредите.
Според бјавата, штетата може да биде трајна. Со едноставно пребарување на Google, ќе најдете постови на корисници, неколку години наназад, чии камери беа уништени откако го поставиле својот iPhone на држач на мотоцикл, што најчесто се прави за да можат да го користат телефонот за навигација.
Компанијата соопшти дека карактеристиките на оптичката стабилизација на сликата и автофокусот може да се оштетат со долготрајна изложеност на вибрации со висока амплитуда. Оптичката стабилизација на камерата му овозможува на жироскопот на уредот да го почувствува движењето. Како резултат на тоа, жироскопот го менува аголот и објективот се движи соодветно за да спречи замаглување кога случајно се движите додека фотографирате. Во меѓувреме, со автофокусот, вградените магнетни сензори на телефонот ги мерат вибрациите за да го компензираат движењето, така што објективот може да биде прецизно поставен. Поради големата количина на силни вибрации, овие системи може да се расипат и да престанат да работат. Сите модели на iPhone 7 доаѓаат со двете карактеристики.
Така, Apple вели дека не е препорачливо да го ставате iPhone на мотоцикли со мотори со голема моќност.
