Motorola претстави три нови модели од серијата G.
Moto G Stylus има 6,8-инчен екран со резолуција 1080п и е најголемиот во G серијата. Уредот доаѓа со пенкало и користи Qualcomm Snapdragon 678 процесор и Android 10.
Пенкалото може да се користи за цртање, за означување на текстот и брзо копирање во друга апликација.
Уредот е достапен со 4 GB RAM и 128 GB интерна меморија. Го напојува батерија од 4.000 mAh која поддржува стандардно 10W полнење.
Позади се наоѓа главна камера од 48, ултраширока од 8, макро од 2 и сензор за длабочина од 2 MP. Напред е селфи камерата од 16 MP.
Moto G Power има поголема батерија од 5.000 mAh и трае до 3 дена со едно полнење. Користи Qualcomm Snapdragon 662 процесор спарен со 3 GB и 4 GB RAM и 32 или 64 GB интерна меморија.
Задната камера има 48 МP. G Power чини 200 долари.
Moto G Play има 6,5-инчен IPS LCD екран со резолуција од 720п, користи Android 10, Qualcomm Snapdragon 460 процесор, 3 GB RAM и 32 GB интерна меморија.
Уредот го напојува батерија од 5.000 mAh која трае 3 дена. Има главна камера од 13 MP и сензор за длабочина од 2 MP. Напред се наоѓа и селфи камерата од 5 MP.