Гласините за новата линија KTM 490 кружат со години, а се чини дека до крајот на 2022 година би можеле да станат реалност.
Од австрискиот производител се очекуваше да примени истиот рецепт од линијата 390, т.е. да донесе нејкед, RC спорт и авантуристички дуал-спорт модел.
Според достапните информации кои протекоа од матичната компанија Pierer Mobiliy, новата линија ќе има вкупно пет модели. Сите наскоро треба да бидат претставени на светските пазари.
Тоа значи дека покрај 490 Duke, RC 490 и 490 Adventure, во новата линија ќе има уште двајца претставници. Иако засега нема повеќе информации, индициите укажуваат на тоа дека линијата ќе се движи од паралелен твин агрегат со зафатнина од 490 кубика.
Некои извори шпекулираат дека „срцето“ на новата линија би можело да биде единицата која партнерот на KTM, CFMOTO, неодамна ја претстави на 450S машина. Покрај гореспоменатиот агрегат, линијата KTM 490 треба да испорача премиум карактеристики како што се WP суспензија, повеќе различни режими на возење, ABS, контрола на тракција и TFT табла со инструменти.
Доколку се точни информациите, т.е. ако KTM навистина планира да лансира нова линија до крајот на годинава, наскоро би требало да излезат повеќе информации.
