Може и без Меси – торпедото на Алмада го урна Уругвај

Фудбалерите на Аргентина забележаа нова победа во јужноамериканските квалификации за пласман на Светското првенство 2026. И без Лионел Меси, Аргентинците среде Монтевидео го совладаа Уругвај со 1:0.

Иако Лионел Скалони не можеше да смета ниту на Лео Меси, ниту на Лаутаро Мартинес, се појави Тиаго Алмада, асот на Лион кој го постигна единствениот гол на натпреварот. Во 68.минута по додавањето од Хулијан Алварес, од речиси 25 метри ја скина мрежата на Уругвај.

Аргентинците на тој начин ја продолжија доминацијата во јужноамериканските квалификации, имаат 28 бодови, и тоа 6 повеќе од Еквадор и 7 од Бразил, со кого ќе се сретнат во следната рунда. Овој натпревар ќе се игра ноќта меѓу вторник и среда во 1:00 часот по македонско време на стадионот „Монументал“ во Буенос Аирес.

Табела: