Одржана е жрепката за тенискиот турнир на Олимписките игри.
Можен спектакл е веќе закажан за второто коло, кога на терените на Ролан Гарос би можело да се сретнат двајца тенисери кои според многумина се најдобри на сите времиња. Доколку бидат успешни на стартот, Новак Ѓоковиќ и Рафаел Надал би можело да се соочат во 2. коло.
Тоа ќе биде продолжение на едно од најголемите тениски ривалства на сите времиња. Досега играле 59 пати, а Ѓоковиќ има минимална предност од 30:29. Српскиот тенисер денеска е далеку пофит од леворакиот Шпанец, кој на 39 години по операција и опоравување повторно се обидува да го достигне светскиот врв.
Ѓоковиќ во кариерата освои 24 Грен слем титули, што е и тениски рекорд. Надал има две помалку, но и 14 титули на Ролан Гарос каде се одржува олимпискиот турнир. Има 8:2 против Ѓоковиќ на париско тло.
За да се одржи нивниот нов меч, Ѓоковиќ, кој никогаш нема освоено олимписко злато, во првото коло ќе треба да го победи Метју Ебден. Мартон Фуцовц го чека Надал, олимпискиот шампион од 2008 година. Јаник Синер не е на Игрите, па Ѓоковиќ е прв носител на турнирот. Вториот е Карлос Алкарас и отвора против Хади Хабиб.
