Се чини дека трудничкиот мозок навистина постои бидејќи скенирањата фрлаат светлина на тоа колку раѓањето бебе може да го промени мозокот.
Промените можат да траат со години по раѓањето, при што само неколку области на мозокот остануваат недопрени, сугерира првата „мапа“ на процесот.
Научниците направиле 26 снимки на мозокот со магнетна резонанца на 38-годишна жена пред зачнувањето, во текот на целата бременост и до две години по породувањето. Наодите покажуваат дека некои делови од човечкиот мозок може да се намалат во големина за време на бременоста, но да станат подобро поврзани.
Неколку области на мозокот остануваат недопрени по бременоста, сугерира студија објавена во Nature Neuroscience. Некои од промените може да бидат трајни, бидејќи мозокот е фундаментално реорганизиран за време на бременоста.
Истражувачите рекоа дека наодите, засновани на скенирање на мозокот на една мајка, може да претставуваат една од првите сеопфатни мапи на промени во органот пред, за време и по бременоста.
„Тоа е првата детална мапа на човечкиот мозок за време на бременоста. Никогаш не сме биле сведоци на мозокот во процес на метаморфоза како овој. Конечно сме во можност да ги набљудуваме промените во мозокот во реално време“, рече Емили Џејкобс од Универзитетот „Калифорнија“ во Санта Барбара, за BBC.
Лора Причет, од истиот универзитет, и нејзините колеги го анализирале мозокот на научничката Елизабет Кристил, која планирала ин витро бременост кога се дискутирало за истражувањето.
Истражувањето спроведе 26 снимки со магнетна резонанца и тестови на крвта три недели пред зачнувањето и до две години откако д-р Кристил - исто така еден од авторите на студијата - се породила. Дури потоа била информирана за наодите.
Добиените снимки биле споредени со промени во мозокот кај 8 лица кои не биле бремени. Истражувачите забележаа дека волуменот на сивата материја - ткивото што ги контролира движењата, емоциите и меморијата - во речиси 80% од мозочните региони на д-р Кристил се намалил за околу 4%, со само мал скок по бременоста.
Сепак, дошло до зголемување на интегритетот на белата маса - мерка за здравјето и квалитетот на врските помеѓу мозочните региони - во првиот и вториот триместар, кои се вратиле на нормалните нивоа веднаш по раѓањето.
Промените се слични на оние за време на пубертетот, велат истражувачите. Двете промени се совпаднале со зголемување на нивото на хормоните естрадиол и прогестерон.
Според студијата, некои од промените во мозокот сè уште биле присутни две години по породувањето, вклучително и некои кои се намалиле, додека други се вратиле на слично ниво како пред зачнувањето околу два месеца по раѓањето.
