Националниот сервис е во дилема кој натпревар од 1. коло од европската фудаблска елита да го емитува, па бара помош од гледачите.
Распоредот на УЕФА во исто време стави да се играат два натпревара кои привлекуваат огромно внимание. Во среда, на 15 септември од 21:00 часот, меѓу другите, се играат и натпреварите Ливерпул - Милан и Интер - Реал Мадрид.
Во договор со ArenaSport нашата МРТ ќе има право да врши пренос од еден натпревар од секое коло, со македонски коментар. Но, 1. коло носи голема дилема: кој натпревар да оди низ директен пренос?
Затоа, МРТ објави јавна анкета во Facebook групата „СПОРТ на МТВ“ каде веднаш започна голема војна помеѓу бројните македонски навивачи на Ливерпул и Милан од една и на Интер и Реал од друга страна.
Анкетата за гласање е отворена 24 часа, а почна денеска од 13:00, што значи дека се затвора утре (3 септември) во истото време. Засега бројот на гласови постојано се менува, двата натпревара се блиску и постојано се менуваат во водство.
За да го дадете вашиот глас треба да бидете член на групата (член се станува со едноставно Зачлени се / Join), а анкетата се наоѓа на линкот тука.