Канадскиот поп-пејач Џастин Бибер е прогласен за „Изведувач на годината“ на вчерашното доделување на MTV видео-музичките награди (WMA).
Примајќи ја наградата, Бибер истакна дека oвaа година не била лесна за никого поради пандемијата на коронавирус, а особено ѝ се заблагодари на неговата сопруга, Хејли Болдвин, со која се венча изминатава година. Меѓу конкурентите на Бибер за наградата беа ѕвезди како Аријана Гранде и Тејлор Свифт.
Соработката на Канаѓанецот со Гивеон и Даниел Цезар – „Peaches“, беше прогласена за најдобра музика во категоријата за „Поп-песна“.
Доделувањето на наградите на MTV оваа година се врати во вообичаениот формат – се одржа во живо од „Центарот Баркли“ во Бруклин (Њујорк, САД) во присуство на публика. Во август, инаку, телевизијата прослави 40 години постоење. Водителка овојпат беше Доџа Кет.
Наградите за видео и музика на MTV се воспоставени 1984 година и постепено станаа едни од најпрестижните награди во музичката индустрија.
Оливија Родриго ја освои наградата за „Песна на годината“, а Лил Нас Екс ја доби онаа за „Видео на годината“.
Поважни награди
„Видео на годината“: „Montero (Call Me By Your Name)” – Лил Нас Екс,
„Изведувач на годината“: Џастин Бибер,
„Песна на годината“: „Drivers License” – Оливија Родриго,
„Најдобар нов изведувач“: Оливија Родриго,
„Поп-песна на годината“: „Рeaches” – Џастин Бибер, во соработка со Гивеон и Даниел Цезар,
„Хип-хоп песна на годината“: „Franchise” – Тревис Скот, со Јанг Таг и М.И.А.,
„Алтернативна музика и песна на годината“: „My Ex’s Best Friend” – Машин ган Кели, со Блекбер,
„Ар-ен-би песна на годината“: „Leave the Door Open” – Бруно Марс,
„Најдобра кореографија”: „Treat People With Kindness” – Хери Стајлс.
