Триесетишестгодишен мотоциклист загуби 1.500 евра возејќи се викендов по автопат на југот на Германија. „Парите се разлетале од ќесата во која имал 9.000 евра“ објави полицијата.
На непознатиот мотоциклист парите му се разлетале по автопатот северно од Минхен во саботата. Кога сфатил што се случува, мажот запрел и започнал да ги собира парите, а другите учесници во сообраќајот повикале полиција која на 45 минути го запрела сообраќајот за да му помогне во собирањето на парите.
Сепак, некои банкноти не биле пронајдени, па околу 1.500 евра му ги однел ветрот.