Роберт Мугабе се повлече од претседателската функција откако 37 години беше лидер на Зимбабве, потврди парламентот на оваа земја.
Звуци на радост и аплауз се слушаа во парламентот на Зимбабве кога спикерот Џејкоб Мугенда ја соопшти одлуката на Мугабе пред пратениците.
„Јас, Роберт Габриел Мугабе, во согласност со членот 96 од уставот на Зимбабве, ја објавувам мојата оставка, која стапува на сила во истиот момент“, рече спикерот Мугенда, читајќи го писмото кое Мугабе го достави до парламентот.
Жителите на главниот град на Зимбабве, Хараре, веднаш излегоа на улица да го прослават овој момент, кој го чекаа со години.
Лавмор Матуке, член на владеачката партија во Зимбабве, ZANU-PF, рече дека е подобро што Мугабе самиот се повлекол од функцијата, бидејќи во спротивно ќе доживеел голем срам.
Поранешниот потпретседател Емерсон Мнангагва се очекува да го заземе претседателското место по оставката на Роберт Мугабе.
