Потпретседателот на СДСМ, Мухамед Зекири, денеска на својот Facebook профил соопшти дека тој, неговата сопруга и тримесечната ќерка се позитивни на COVID-19.
– Почитувани пријатели, и покрај строгото почитување на мерките и минималните контакти со луѓе, сакам да ве информирам дека јас заедно со сопругата и мојата тримесечна ќерка резултиравме позитивни на тестирањето за COVID-19. За среќа јас немам никаков симптом но резултирав позитивен.
Зекири испрати апел до сите граѓани да не го потценуваат вирусот и можноста за зараза и да бидат максимално внимателни.
– Доколку кај вас или ваши блиски забележите и најмал симптом консултирајте ги матичните лекари и не одбивајте да се тестирате. Изразувам жалење и се извинувам доколку несвесно последниве денови сум довел некого во незавидна позиција, соопшти Зекири на својот Facebook профил.