Бразилецот Нејмар е главна тема на трансфер шпекулации, иако немаше најдобра сезона откако дојде во ПСЖ за рекордни 222 милиони евра.
Реал Мадрид за 27-годишниот напаѓач наводно понудил 130 милиони евра и играч по избор, објави добро упатениот Mundo Deportivo.
Претседателот на Реал, Флорентино Перез, наводно многу го сака Нејмар во редовите на „Кралскиот клуб“, а по него „пати“ уште од 2013 година кога доаѓаше во Европа.
Нејмар наводно тогаш веќе бил на лекарски преглед во Мадрид, кога најголемиот ривал Барселона му го грабна младиот напаѓач на Реал „од пред нос“.
Реал сега не сака да ја пропушти приликата да го доведе Нејмар, па весникот објави дека веќе е испратена понуда од 130 милиони евра и плус еден играч по избор.
Наводно, во комбинација доаѓаат Гарет Бејл и Хамес Родригез, кои не се вклопуваат во плановите на менаџерот Зинедин Зидан, а Реал е подготвен на Нејмар да му плаќа 30 милиони евра, што е само шест милиони помалку од платата што ја добива во ПСЖ.
Барселона, за која исто така енергично се шпекулира дека е заинтересирана да го врати Нејмар, не може да му ја понуди таа плата, но Каталонците имаат многу појак адут – емоции.