Фудбал

Мурињо за формата на Ливерпул: Знам што значи да се има среќа

16. декември 2018 - 13:26 | МИА

Ливерпул, 16 декември 2018 (МИА) – Менаџерот на Манчестер Јунајтед, Жозе Мурињо типично во свој стил се пошегува со својот следен ривал во Премиер лигата. Денес, „црвените ѓаволи“ гостуваат на големиот ривал Ливерпул, кој сè уште нема пораз оваа сезона на Островот.

Специјалниот сепак изјави дека му е познатото чувството да се има среќа, мислејќи на формата на играчите на Јирген Клоп.

– Тие се на врвот на табелата, се разбира, дека се самоуверени. Го познавам тоа чувство прилично добро – чувството да се има среќа. Знаете како го победија Евертон, знаат дека во последниот натпревар првиот гол беше од офсајд, знаат и дека со Наполи можеа да отпаднат на крајот на натпреварот. Тие имаат чувство кое и јас го почувствував, кога сè одеше според планот, изјави Португалецот.

Дуелот помеѓу Ливерпул и Манчестер Јунајтед е на програмата денеска од 17 часот.

Коментирај