Менаџерот на Манчестер Јунајтед, Жозе Мурињо, вели дека му е тешко да поверува на каков терен треба да играат во осмина финалниот дуел од Европската лига на гостувањето кај Ростов.
Португалскиот експерт го спореди теренот со оној во Пекинг, на кој лани требаше да се игра манчестерското дерби.
„Теренот е како оној во Пекинг. Се уште ми е тешко да поверувам на што ќе играме. Знам дека мораме, но не ми е јасно како тоа може да се нарече терен. Не знам ни со кој тим би играл. На многу сличен терен во Кина, со луѓето од Манчестер Сити одлучивме дека нема да играме, но сега мораме" - изјави Мурињо.
Менаџерот на Јунајтед додаде и дека зборувал со претставникот од УЕФА кој му кажал дека играчите се осигурани и не треба да се грижи.
