Жозе Мурињо по завршувањето на синоќешното финале во Лига Европа го начека главниот судија Ентони Тејлор и му кажа што мисли за него и за неговото делење на правдата во Будимпешта.
Тренерот на Рома беше обземен од емоции и не можеше да се контролира, па по средбата ги чекаше судиите на паркингот во „Пушкаш Арена“ стадионот во Будимпешта, каде се одигра финалето во кое Рома на пенали загуби од Севиља.
Главниот судија, Англичанецот Ентони Тејлор, го испрати од стадионот со зборовите fucking disgrace (е*ана срамота“ кои ги повтори неколку пати пред да се префрли на италијански.
Мурињо потоа отиде до минибусот во кој беше англискиот судија и му испрати уште една пцовка: „Честитки, ти е*ана срамота“. Мурињо не го криеше незадоволството ниту набргу по последниот судиски свиреж кога даде изјави за медиумите.
„Тоа беше интензивна, машка, енергична игра со судија кој изгледаше Шпанец. Цело време само жолт картон, жолт, жолт. Неправдата се покажува со фактот дека Ламела требаше да добие втор жолт, а не доби, и реализираше пенал во рулетот“.
