Жозе Мурињо објави нов најдобар тим според него. Не вклучи ниту еден играч од Мaнчестер Јунајтед со кој освои две титули, а од Интер од славната 2010 вклучи само еден.
Ова не е првпат Мурињо да објави свој најдобар тим. Го има тоа направено неколку пати претходно, но овој сега е најнова верзија, а ја објави шпански AS.
На голот е Петр Чех, во одбраната се Вилјам Галас, Рикарду Карваљу, Џон Тери и Хавиер Занети, во средниот ред се Френк Лампард, Клод Макелеле и Месут Озил, а во нападот Еден Азар, Кристијано Роналдо и Дидје Дрогба како најистурен.
Очекувано, Мурињо стави најмногу играчи од Челси, клуб кој го водеше и најдолго. Изнренадувачки е што стави само еден играч од клубот со кој направи нaјголем успех, Интер. На пример, го изостави голгетерот Диего Милито кој му беше главниот играч и кој ги даде двата гола со кои на Мурињо му го донесе единствениот триумф во Лигата на шампионите.
