Жозе Мурињо пред една година ја одби улогата на селектор на Португалија. Реши да остане во Рома, летово го презеде Фенербахче, но не го криеше разочарувањето од неуспехот на Португалија на ЕУРО 2024 и елиминацијата во четвртфиналето од Франција. Не по резултатот, туку по самиот квалитет на прикажаната игра.
„Португалија не играше добро, без разлика што стигна до четвртфиналето. Очекував повеќе и чувствував дека Португалија може повеќе. Квалитетот на тимот е огромен, но тоа не го видовме на ЕУРО“, изјави Мурињо за Sport TV.
Потсети дека пред почетокот на првенството Португалија беше поразена од Хрватска во пријателски натпревар (1:2).
„Бев на тој натпревар. Немав добро чувство. Тимот не прикажа убедлива игра, а потоа дојде моментот на вистината. Светското првенство сега е пред селекцијата на Португалија, освен за двајца ветерани“, додаде Мурињо, кој, како што пренесуваат португалските медиуми, алудираше на Пепе и Кристијано Роналдо.
Пепе има 41 година и нема најавено повлекување од репрезентацијиата. Роналдо, пак, има 39 и по елиминацијата на Португалија најави дека ќе игра и на Мундијалот 2026 кога ќе има 41 година.
