Премиер лигата го прогласи португалскиот стратег за Тренер на месецот, а Мурињо на наградата ѝ даде друго, поинакво име.
Тотенхем во ноември во Премиер лигата запиша 3 победи и едно реми. Ги совлада Брајтон со 2:1, Вест Бром со 1:0, Манчестер Сити со 2:0, а одигра без голови на гости кај Челси.
Според Премиер лигата, овие резултати го прават Жозе Мурињо тренер на месецот и воедно му доделија награда за која го известија преку видео-врска.
„Ова вели Тренер на месецот, но за мене е Тим на месецот, или пак Стручен штаб на месецот. Бидејќи ова е поради играчите и поради овие момци кои се со мене. Тренерите, асистентите и сите оние кои помагаат. Фала ви, ама ова е Тим на месецот или Стручен штаб на месецот“, рече Мурињо во свој стил.
Номинирани за истата награда беа уште и Френк Лампард од Челси, Дејвид Мојс од Вест Хем и Оле Гунар Солкјер од Манчестер Јунајтед.