Поранешен играч на Челси открива една пикантерија од односите помеѓу Жозе Мурињо и Немања Матиќ и тоа дека Србинот за малку на полувреме од пријателски натпревар ќе останел без клуб.
Џордан Хојтон денес е 24-годишен играч од средниот ред на Милтон Кејнс Донс. Но, тој израсна во Челси почнувајќи од својата осма година и ги помина сите младински категории. Често беше земан во првиот тим да тренира и игра пријателски со сениорите. Тогаш „Сините“ беа предводени од Жозе Мурињо, а од август 2009 на тимот му се придружи и Немања Матиќ, како засилување од словачки Кошице.
Хојтон и Матиќ никогаш не заиграа заедно на официјален натпревар бидејќи Хојтон никогаш и не се проби во тимот на Челси. Но, играа на пријателски.
„Игравме заедно на натпреварите со Вајкомб и Вимблдон и тоа под водство на Мурињо. Против Вимблдон, се сеќавам како Мурињо тотално го прегази Матиќ и му се закани дека ќе го избрка од клубот. Тоа мене ми ги отвори очите. Потоа заминав на турнеа со тимот и учев колку што можев од тренинзите со момците“, открива Хојтон.
Веројатно Матиќ не ги прател тактичките задачи зададени од Мурињо поради што одиграл лошо прво полувреме, па португалскиот стратег му одржал воспитна пред целиот тим.
