Денеска ви пренесуваме рецепт за мусака со тиквички, исто толку вкусна како и останатите варијанти на ова популарно јадење.
Мсака е традиционално јадење што ретко кој не го сака. Се прави од мелено месо, компири и јајца. Но, постојат различни варијанти на ова јадење, како мусака со тиквички, со модар патлиџан, сирење... Која и да ја одберете, нема да погрешите.
- 2 големи тиквички
- 450 гр мелено месо
- 300 гр кашкавал
- 1 главица кромид
- 3 јајца
- 300 мл кисела павлака
- 200 мл сок од домати
- сол
- бибер
- масло за пржење
Тиквичките исечкајте ги на прстени, посолете ги и оставете ги да се исцедат. После тоа исушете ги со хартиени крпи. Во тавче продинстајте го кромидот, додадете мелено месо, зачините и динстајте. На крајот измешајте ги со сокот од домати.
Изматете ги јајцата со павлаката, а кашкавалот исечете го на кришки. Во огноотпорен сад ставете еден ред тиквички, па малку месо, па малку смеса од јајца. Повторете ја постапката додека не ја потрошите сѐ.
Се пече во загреана рерна на 180 степени околу 40 минути.
