Музејот на восочни фигури во Бразил е предмет на потсмев на социјалните мрежи поради скулптури на познатите личности кои воопшто не личат на себе.
Скулптурите на уметникот Арлинд Армакол(77) првобитно се направени за црква во Парана во јужен Бразил пред 6 години, но неодамна станаа вирални и се предмет на дискусија поради нивниот бизарен изглед.
Во музејот има фигури на познати, историски личности, како што се принцезата Дијана, Мерлин Монро, Алберт Ајнштајн, Нелсон Мандела и многу други. Овие восочни фигури воопшто не личат на оние што би требало да ги претставуваат.