Музичар огладне и јадеше нудли на сцената на затворањето на Олимпијадата

Вниманието на голем број гледачи на Олимписките игри во Париз го привлече музичар кој јадеше нудли среде сцената, а видеото набрзо стана тема на коментари на социјалните мрежи.

Свеченото затворање се одржа на „Стад де Франс“ и собра стотици музичари, акробати, танчери итн. Се разбира, спортистите гордо ги носеа знамињата на своите земји.

Една интересна сцена насмеа многу луѓе. Имено, среде настапот на оркестарот, еден музичар решил да одмори и да се почести со нудли.

„Најдобриот момент на вечерта“, „Да би можела вака да бидам опуштена и да не ми е гајле за сѐ“, „Каков господин“, „Сакам да бидам како него“, се дел од коментарите на Х. Неговиот идентитет сѐ уште не е познат.

На Олимписките игри во Париз се одржаа 329 спортски настани во 32 олимписки спортови. На Игрите учествуваа околу 10.500 спортисти од 204 земји, а Македонија беше претставена со 6 натпреварувачи. Олимпијадата заврши синоќа.