Вчера во Лос Анџелес се одржа доделувањето на Музичките награди Билборд, каде доминираше пејачот The Weeknd кој однесе дома дури 10 награди.
Дрејк беше прогласен за Уметник на деценијата, а Пинк ја доби наградата Музичка икона.
The Weeknd влезе на доделувањето на наградите со 16 номинации и освои вкупно 10 признанија, и за поединечни песни, и за албуми.
„Сакам да ја искористам оваа можност да им се заблагодарам на моите родители“, рече тој. „Поради вас сум човекот што сум денес. Им благодарам и на моите обожаватели, се разбира.“
The Weeknd беше прогласен за најдобар машки изведувач, најдобар изведувач на радио песни, најдобар R&B изведувач и најдобар R&B машки изведувач. Исто така, „ After Hours“ беше прогласен за најдобар R&B албум, додека неговиот сингл „Blinding Lights“ ја доби наградата за најдобра радио песна и најдобра R&B песна.
Подоцна ja iзведе песната „ Save Your Tears“ на паркинг во Лос Анџелес, со кореографија со автомобили.
Дрејк, кој ја носи титулата добитник на најмногу награди Билборд на сите времиња, ја доби наградата Уметник на деценијата. Тој дојде на доделувањето на наградите со своето семејство и пријателите, а наградата ја презеде заедно со неговиот тригодишен син Адонис Греам.
За време на церемонијата Bad Bunny беше прогласен за најдобар латино уметник и говорот го одржа целосно на шпански јазик. Освои и три награди во off-air категориите: најдобар латино машки изведувач, најдобра латино песна и најдобар латино албум, категорија во која постави рекорд со три освоени наради.
Пинк ја доби наградата Музичка икона, а на сцената ѝ се придружи нејзината 9-годишна ќерка која ги покажа своите гимнастички вештини додека заедно ја изведуваа кореографијата за песната „Cover Me In Sunshine“.
Нејзиниот настап беше еден од неколкуте однапред снимени моменти на церемонијата на доделување на наградите што ја пренесуваше NBC, а домаќин беше Ник Џонас. Настапите во живо се одржуваа на отворено, пред публика со маски.
Целосната листа на добитници можете да ја најдете ТУКА.