На официјалната веб страница на Министерството за внатрешни работи е објавено дека МВР ги направило потребните проверки и утврдено е дека пријавата за напад поднесена претходно вечерва, е лажна.
„Се преземаат мерки за утврдување на пријавата и преземање на соодветни мерки и санкции против личноста која лажно пријавила. Им благодариме на граѓаните за трпението, и на медиумите за професионалниот однос кон ситуацијата“, стои во соопштението.
Веста доаѓа откако претходно вечерва неколку објекти во центарот на Скопје, меѓу кои и зградата во која се сместени МИА, СЕП, ДКСК, Финансовата полиција, Инспекторатот за животна средина, беа итно евакуирани по пријава за напад од лице кое се јавило во 16:45 во билетарата на МНТ.