Кошаркарите на МЗТ со трофеј се враќаат од дводневното гостување во Белград, откако триумфираа синоќа во финале на Земун купот против домашниот тим на Младост.
„Штрковите“ го совладаа домаќинот со 86:80 остварувајќи ја четвртата победа во низа во подготвителниот период.
Тренерот Александар Петровиќ на овој турнир им даде шанса да настапат и на помладите.
Лидер на теренот беше Мајк Кафи, кој средбата ја заврши како најефикасен со 19 поени, а зад него беа Страхиња Миќовиќ со 12 и Дамјан Стојановски и Еван Максвел со по 11 поени.
МЗТ во новата сезона ќе ја брани шампионската титула во македонското првенство и ќе настапува во регионалната АБА лига.
