По едномесечно размислување Кошаркарската федерација на Македонија синоќа до членовите на Управниот одбор го изнесе својот став за прекинатото првенство и дека треба да заврши без прогласување шампион и без испаѓање, на што остро се спротивстави лидерот МЗТ.
Во клубот од Аеродром се огорчени од начинот на кој размислува федерацијата и дури и се заканија дека работите ќе ги изнесат на и на суд, доколку е потребно.
„Без разлика што е во ек на пандемија со коронавирусот, кога сите сили ни се насочени кон борбата против невидливиот непријател, во која се вклучи и нашиот клуб со финансиска донација и со откажување од парите кои ни следуваат од државата, не може, а да не се почувствуваме повредени, па дури и навредени од размислувањето на господинот Перо Антиќ и неговите соработници, а до кое е дојдено со помош на нивните советници и „коалициски партнери“. Предлогот содржи неколку небулози и правно неиздржани работи, кои, ако се усвојат, сигурно ќе им донесат и покани за на суд“, велат од МЗТ.
На клубот од населбата Аеродром не им е јасно зошто не се прогласува шампион кога над 60% од бројот на натпревари е одигран. Нормално, МЗТ во моментот на прекин беше прв.
„Не ни е јасно зошто не се прогласува шампион. Одиграни се 17 кола, што е повеќе од 60% од предвидениот број средби за регуларниот дел од сезоната. МЗТ Скопје Аеродром, без разлика што играше на два силни фронта со по две средби неделно и со многу далечни патувања помеѓу, има јасна предност од две победи пред конкурентите, а сите тимови имаат еднаков број одиграни средби. Вакви ситуации имаше во поголем број европски држави, кои без никаква дилема лидерот го прогласија за шампион, а меѓу нив се и редовни учесници на Европските првенства како Полска, Литванија, Латвија, Украина, Белгија и Босна и Херцеговина. Секако, имаше и такви кои прекинаа и без прогласување шампион, но тоа најчесто беше поради тоа што одредени тимови не играа во првиот дел од домашниот шампионат (Словенија, а најверојатно и Србија), како и поради тоа што сите немаа одиграно исто број средби (Хрватска)“, стои во соопштението на МЗТ.
Од клубот сметаат дека кога веќе пласманот на табелата не е доволен за да биде прогласен шампион, тогаш не треба да се користи ни при определувањето на други работи, а што КФМ планира да го направи.
„Второ што ни боде очи во ставот на КФМ е нелогичноста околу крајниот пласман, кој, според нив, е доволно добар да биде користен при поделбата на спортските ваучери за 2021 година, ама не е добар за прогласување шампион. Зошто? Која е разликата? Ако се важи пласманот за едно, тогаш тоа треба да се случи за сѐ, вклучувајќи го и делот што, очигледно, им боде очи на Антиќ и неговите соработници и „коалициски партнери“. Кому му пречи МЗТ Скопје Аеродром да биде прогласен за првак, во јасна ситуација, со 60% и повеќе одиграни средби од регуларниот дел од сезоната и убедлива предност пред конкурентите“, паршуваат од лидерот.
Пласман при прекинот:
