На 103-годишна возраст почина славниот холивудски актер Кирк Даглас. Информацијата за неговата смрт за People ја потврди синот Мајкл Даглас.
Кирк Даглас беше еден од славните ѕвезди од златното доба во Холивуд. Роден е во 1916 година во Њујорк, а како актер дебитирал во 1946 година. Три пати бил номиниран за Оскар, за улогите во „Champion“, „The Bad and the Beautiful“ и „Lust For Life“. Оскар доби дури во 1995 година и тоа за животно дело.
Една од најпознатите улоги со која се прослави е филмот „Spartacus“ од 1960 година.
„Во светот тој беше легенда, актер од златното доба на филмовите, но за мене и за моите браќа тој беше едноставно татко“, вели Мајкл Даглас во соопштението за смртта на неговиот родител.
Други значајни улоги по кои ќе го паметиме се: „20.000 Leagues Under the Sea“ (1954), „Lust for Life“ (1956), „Paths of Glory“ (1957), „Gunfight at the O.K. Corral“ (1957), „The Vikings“ (1958), „Lonely Are The Brave“ (1962), „Seven Days in May“ (1964), „Saturn 3“ (1980) и „Tough Guys“ (1986).
Последната филмска улога ја оствари во 2004 година.